सुस्वागतम्


 

"हाँगकाँग हे चिमुकले डोंगराळ बेट आहे. डोंगराळ बेट कसले ? समुद्रात सोंगटीसारखा पडलेला हा एक डोंगरच आहे. इंग्रजांनी अक्षरशः पहाड फोडून हे नगर वसवले. त्यांनी तो डोंगर कापला. त्यातून सुंदर रस्ते काढले. उतरणीवर दहा दहा मजली इमारती उठवल्या. शहर असे देखणे केले की पाहत राहावे."

 

"माझा हॉंगकॉंगला जाण्याचा मुख्य उद्देश्य चीनी भोजनाचे सर्व प्रकार चाखणे हा होता."

 

"इथे व्यापारी आणि जुगारी संस्कृती आहे आणि तिच्याशी आमच्या मराठी मंडळींचं जमणे अशक्य.""हाँगकाँग मधील ते मराठीमंडळ मला त्यांच्या मराठीपणामुळे फार आवडले."

 

- पु. ल. देशपांडे( पूर्वरंग ) 

 

१९६२-६३ च्या या प्रवासवर्णनात पु. ल. जागोजागी मराठीमंडळाच्या अगत्यशीलतेचे कौतुक करतात. अशी ही ५० हून अधिक वर्षांची हाँगकाँग महाराष्ट्र मंडळाची परंपरा. आम्ही ती तशीच पुढे चालू ठेवत आहोत. असे हे आमचे हाँगकाँग महाराष्ट्र मंडळ म्हणजे एक मोठे कुटुंब ! आम्ही वर्षभर वेगवेगळे सण  साजरे करतो;  सांस्कृतिक, सामाजिक आणि शैक्षणिक कार्यकम करतो. 'वाचनमात्रे', 'बोलतो मराठी', सारखे उपक्रम राबवतो. तुम्हाला त्या सगळ्याची या वेबसाईटद्वारे ओळख करून देत आहोत. 

 

तुम्ही हाँगकाँगला भेट देणार असाल, तर आम्हाला जरूर कळवा आणि हॉंगकॉंगमध्ये वास्तव्याला येणार असाल तर आमच्या या कुटुंबात सामील व्हा...! 

चला तर डोकावूया या  डोंगराळ बेटात - सुगंधी बंदरात !                                                                      

 

-मनोज कुळकर्णी, अध्यक्ष, महाराष्ट्र मंडळ हॉंग कॉंग

२०१४-२०२०                                                                                                       

                                                                                                                 




Upcoming Events



गणेशोत्सव २०२१

या वर्षी हॉंगकॉंगमधील कोविड नियमावली नुसार गणेशोत्सव अतिमर्यादित स्वरूपात साजरा करावा लागणार आहे, या बद्दल आम्ही दिलगीर आहोत. पण निदान साजरा तरी करता येईल, हे ही नसे थोडके. आपल्या सामंजस्याची आणि सहकार्याची नितांत आवश्यकता आहे. गर्दीच्या आणि मंडळाच्या कार्यक्रमाच्या वेळा टाळून १० सप्टेंबर- १९ सप्टेंबर या दरम्यान आपण मंडळाच्या गणपतीच्या दर्शनासाठी कधीही जाऊ शकता. (१८ सप्टेंबर दुपारनंतरची वेळ सोडून). 

 

स्थळ- Happy Valley, Hindu Temple

 

 कार्यक्रमाची रूपरेषा

  • 10 Sep 2021 - श्री गणेश प्रतिष्ठापना (Registrations closed)
  • 11 Sep 2021 - गणपती अथर्वशीर्ष पठण, लहान मुलांसाठी अथर्वशीर्ष पाठांतर स्पर्धा, आरती, महाप्रसाद-2 (Registrations closed). सहसा एकच महाप्रसाद आयोजित करण्यात येतो, पण अधिक लोकांना सोयीचे व्हावे, आणि गर्दी होऊ नये यासाठी या वर्षी आणखी एक महाप्रसाद आयोजित केला आहे.
  • 18 Sep 2021 - स्वरवंदना कार्यक्रम. स्वरभास्कर पंडित भीमसेन जोशी यांना आदरांजलीपर गीतांचा सुरेल कार्यक्रम (Registrations closed)
  • 18 Sep 2021- आरती, महाप्रसाद १(Registrations closed)

 

नावनोंदणी केलेल्या सर्व उपस्थितांचे नाव, लसीकरणाचे तपशील गोळा केले गेले आहेत. 

 For further details please click here

 



Past Events