वाचनमात्रे

मराठी साहित्याविषयी आस्था आणि मराठी भाषेवर प्रेम असणार्यांसाठी ‘वाचनमात्रे’ हा उपक्रम २०१५ मध्ये मुग्धा रत्नपारखी यांनी सुरू केला. 

मंडळी अधून- मधून भेटून साहित्यावर / पुस्तकांवर चर्चा करतात. तसेच ‘वाचनमात्रे’ या What’s App ग्रुपद्वारे बातम्या, लेख, कविता, पुस्तकांचे दुवे या विषयी गप्पा मारतात. 

जागतिक मराठी भाषा दिवसा निमित्ताने फेब्रुवारी महिन्यात अभिवाचनाचा कार्यक्रम/ साहित्यविषयक उपक्रम सादर करण्यात येतो. दर वर्षी मंडळी दोन महिने अभिवाचनाच्या कार्यक्रमाच्या तालमी करतात. रंगकर्मी आणि दिग्दर्शक श्री सुनील कुलकर्णी यांचे मार्गदर्शन यासाठी लाभते. 

 

२०१६ : लेखक प्रकाश नारायण संतांच्या साहित्यावर आधारित अभिवाचनाचा कार्यक्रम 

 

२०१७ : ‘स्मृतीचित्रे ‘ या लक्ष्मीबाई टिळकांच्या आत्मचरित्रावर आधारित अभिवाचनाचा कार्यक्रम 

 

२०१८: लेखक श्री. व्यंकटेश माडगुळकरांच्या साहित्यावर आधारित अभिवाचनाचा कार्यक्रम 

 

२०१९: मराठीतील निवडक बालसाहित्यावर आधारित अभिवाचनाचा कार्यक्रम 

 

२०२१: ‘पुस्तक विश्व ' या उपक्रमांतर्गत आपल्या आवडत्या मराठी पुस्तकांवर लहान मुलांनी केलेले ऑनलाइन व्हिडिओ सादरीकरण तसेच २७ फेब्रुवारी २०२१ ला सुलेखनकार श्री अच्युत पालव यांचे ऑनलाइन व्याख्यान आणि प्रात्यक्षिक संपन्न झाले.

 

२०२२: ‘कविता पानोपानी' या उपक्रमांतर्गत आपल्या आवडत्या मराठी कवितेचं सादरीकरण केलं. लहान मुलांनी तसेच मोठ्यांनी उत्तम प्रतिसाद दिला आणि आपापले विडिओ आणि हस्थलिखित कविता सादर केल्या.

 

२०२३:  'मराठी भाषेतील योग्य शब्दप्रयोग' या विषयावर छोटेखानी प्रश्नमंजुषा आणि देवनागरी फॉंट साठी तांत्रिक मार्गदर्शन, लहान मुलांसाठी मराठी भाषा वर्ग तसेच अरुणा सोमण यांची लेखमालिका 'युगे अठ्ठावीस'

२०२३:  व्हिडिओ सौजन्य :  श्री संदीप भाटवडेकर 

Microsoft Swift Key देवनागरी लिपी Keyboard.

https://1drv.ms/v/s!AnEIlbBsl866h8UOoFbmFAxPFLXIEQ?e=BJJEuV

 

२०२४: यंदा “ मराठी म्हणी आणि वाक्प्रचार” व्हिडिओ सादरीकरणाचा उपक्रम आपण हाती घेतला. आपल्या उत्साही सदस्यांनी उत्तम व्हिडिओ तयार  करून डकवले.

“भाडिपा पेक्षा जास्त views तिकडे येत होते” अशी प्रतिक्रिया आली ती उगाच नाही. हा उपक्रम आवडल्याचे अनेकांनी आवर्जून कळवले, त्यासाठी त्यांचे मन:पूर्वक आभार !

या निमित्ताने अनेक जुन्या नव्या म्हणींना उजाळा मिळाला, आपल्याच मातृभाषेच्या एका पैलूची आठवण झाली आणि कलाकार मंडळीच्या कल्पकतेला धुमारे फुटू लागले. आसमंतात जरा चैतन्य आले. कलाकार मंडळींने आई—आजी- जुन्या पिढीला म्हणींसाठी पाचारण केल्याचे वृत्त कानी आले. तसेच व्हिडिओ तयार करण्यासाठी एकमेकांना प्रत्यक्ष भेटावे लागले आणि त्यातून काही सुंदर- काही गमतीशीर किस्से स्मृतीपटलावर कोरले गेले. 

२०२४ उपक्रम श्रेयनामावली

- उपक्रमाची संकल्पना आणि पाठपुरावा:  मुग्धा रत्नपारखी 

- पत्रक: प्राजक्ता नायक

 

अधिक माहितीसाठी...